Quick menu:

Mae'r wefan hon yn dangos cynnwys sy'n berthnasol i holl wledydd y DU. Newidiwch hyn gan ddefnyddio'r hidlyddion gwlad isod neu dewiswch Iawn i dderbyn. Mae'r wefan hon yn defnyddio cwcis.

OK
  • Cymorth a Chefnogaeth

Adeiladu prosiect llwyddiannus

  • Print

Deg ffactor llwyddiant rydym wedi'u hadnabod o'n gwerthusiadau rhaglen iechyd a lles:

  1. Meddyliwch yn strategol
    Gwnewch yn siŵr eich bod yn deall sut mae'ch prosiect yn gweddu i flaenoriaethau iechyd a chymdeithasol lleol a rhanbarthol, neu chwiliwch am ddarpar bartneriaid a all helpu cefnogi neu hyrwyddo'ch prosiect. I wybod mwy am sut i wneud hyn, lawrlwythwch ein harweiniad o’r rhaglen Lles ar sut i ddylanwadu ar a chymryd rhan yn y strwythurau comisiynu iechyd
  2. Cewch eich arwain gan y gymuned
    Gweithiwch gyda buddiolwyr, grwpiau, gwasanaethau a mudiadau lleol i ddod o hyd i'r ffyrdd gwell i'ch prosiect:
    - ennyn diddordeb a chyfrannu at y gymuned
    - ennill hyder pobl leol
    - adeiladu perthnasoedd cryfion ar draws y sectorau.
  3. Cynnwys gwirfoddolwyr
    Hyfforddwch a buddsoddwch mewn gwirfoddolwyr er mwyn iddynt ddysgu sgiliau newydd a helpu cyflwyno gweithgareddau newydd.  Bydd cynnwys pobl leol yn eich prosiect yn ychwanegu gwerth, capasiti ac elfen cefnogaeth gan gymheiriaid, a all helpu cynyddu cymhelliad cyfranogwyr.
  4. Gwybod pwy yw eich buddiolwyr
    Nodwch a chynhwyswch eich cynulleidfa darged yn natblygiad eich prosiect yn barhaus i sicrhau:
    - y caiff ei deilwra iddynt
    - bod ganddo gefnogaeth y rhai y mae angen eu cymorth arnoch i helpu ennyn diddordeb eich cynulleidfa darged (e.e. rhieni, gweithwyr a gwirfoddolwyr cymunedol)
    - ei fod yn cynnwys y rhai a allai elwa'n anuniongyrchol o'r prosiect.
  5. Cymhwyswch sgiliau a dysgu
    Mae cefnogi buddiolwyr i ddysgu sgiliau newydd yn eu helpu i gynyddu eu hunan-barch ac yn rhoi ymdeimlad o gyflawniad o ddysgu sgiliau newydd iddynt.
  6. Byddwch yn gyfannol ac yn hyblyg
    Defnyddiwch ymagwedd fesul cam, gan addasu gwasanaethau a gweithgareddau i adlewyrchu anghenion newidiol unigolion a'i gwneud hi'n haws i bobl gymryd rhan a chynnal diddordeb. Dylid cynnig gweithgareddau sy'n cefnogi nifer o agweddau ar les ac yn creu awyrgylch cymdeithasol hefyd.
  7. Ymgorfforwch werthuso o'r cychwyn cyntaf
    I helpu dangos y gwahaniaeth rydych yn ei wneud, deallwch eich cyd-destun lleol ac ymgorfforwch fonitro a gwerthuso o'r cychwyn cyntaf.
  8. Marchnata parhaus
    Mae marchnata parhaus wedi'i deilwra'n bwysig i gynyddu ymwybyddiaeth o'ch prosiect a sicrhau bod yr wybodaeth ddiweddaraf yn cyrraedd cynulleidfaoedd gwahanol.
  9. Staff medrus
    Mae'n bwysig cael staff ac arweinwyr prosiect croesawgar, cefnogol a galluog sy'n gallu uniaethu, bod yn frwdfrydig a gwneud i fuddiolwyr deimlo'n gyfforddus.
  10. Lleoliad ac amgylchedd
    Mae'n bwysig cynnig gwasanaethau a gweithgareddau mewn lleoedd lleol, diogel, hawdd i'w cyrchu a chroesawgar.

Gallwch ddarllen am bob un o'r ffactorau llwyddiant allweddol hyn a sut i oresgyn rhai o'r heriau sy'n gysylltiedig â nhw yn ein hadolygiad thematig o iechyd a lles

Dysgu ychwanegol o'n rhaglen Lles ddiweddar

Ers i ni gyflawni'r adolygiad uchod, rydym wedi gweld trwy ein rhaglenni Lles fod prosiectau llwyddiannus yn cynnwys y nodweddion allweddol canlynol:

  • difyr a chymdeithasol
  • wedi'u hanelu at welliant graddol ac adeiladu hunanhyder
  • ennyn diddordeb cyfranogwyr yn rheolaidd
  • wedi'u cyflwyno mewn grwpiau bach, gan alluogi pobl i ffurfio cyfeillgarwch a gwella pob ffurf ar les
  • yn canolbwyntio ar fyw nag iechyd yn unig
  • ymgorffori ymddygiad mewn sefydliad (e.e. ysgol), bywyd teuluol neu weithdrefn bob dydd
  • dysgu sgiliau neu wybodaeth
  • darparu ffordd i bobl weld y gwahaniaeth y maent  wedi'u gwneud
  • cynnig hyfforddiant ar gyfer cyflwyno gweithgareddau lles i fudiadau a darparwyr gwasanaeth eraill.
ADBORTH